பஞ்சபூதங்களின் ஆளுமை நேரம்!!!

பஞ்சபூதங்களின் ஆளுமை ஒவ்வொரு நாளும் ஒவ்வொரு காலமாக நமக்கு வரும். அதனை தெரிந்துக்கொண்டு நாம் பல்வேறு விசயங்களுக்கு பயன்படுத்தலாம். அந்த விபரங்களை வரும் பதிவுகளில் நான் தருகிறேன்.

ஒவ்வொரு நாளும் பஞ்சபூத ஆளுமை பகல் நேரத்தில்

காலை 6 -  8:24 ஆகாயம்

காலை 8:25 - 10.48 வாயு

காலை 10:49 - 1:12 நெருப்பு

பிற்பகல் 1:13 - 3:36 நீர்

பிற்பகல் 3:37 - 6:00 நிலம்

ஒவ்வொரு நாளும் பஞ்சபூத ஆளுமை இரவு நேரத்தில்

மாலை 6.00 - 8:24 நிலம்

இரவு 8:25 - 10:48 நீர்

இரவு 10:49 - 1:12 நெருப்பு

நள்ளிரவு 1:13 - 3:36 வாயு

நள்ளிரவு 3:37 - 6:00 ஆகாயம்

அதிகாலை 3:37 மணி முதல் 6:00 மணி வரை

இது மிகவும் சாத்வீகமான நேரம். யாகம் செய்வதற்க்கு மற்றும் காயத்ரி மந்திரம் செய்வதற்க்கு உகந்த நேரம். பஞ்சபூதத்தில் ஆகாயத்தை குறிக்கும் நேரம் இது. ஆகாயம் என்பது வெட்டவெளி. இந்த வெட்டவெளியைப் பற்றி சிவமே பகுதியல் நாம் நிறைய பார்த்திருக்கிறோம். அமுதம் போன்ற நேரம் இது. ஆத்மாவிற்க்கு பலத்தை அதிகப்படுத்தும் நேரம் இது. கண்டிப்பாக இந்த நேரத்தில் நீங்கள் தூங்ககூடாது. தியானம செய்வதற்க்கு நல்ல நேரம் இதுதான். உங்களுக்கு நல்ல குழந்தைகள் கிடைக்க வேண்டும் என்றால் இந்த நேரத்தில் உடல்உறவை வைத்துக்கொண்டால் நல்லது.

காலை 6:01 மணி முதல் 8:24 மணி வரை

காலை 6:00 மணிக்கு குளிர்ச்சியான நேரம். அஸ்திவாரக்கல் நாட்ட சிறப்பான நேரம். வீடு கட்ட அடிக்கல் நாட்டினால் குடியிருப்பவரின் மனம் குளிர்ந்து இருக்கும். இந்த நேரத்தில் நட்சத்திர தோஷம், திதி தோஷம், கிழமை தோஷம் எதுவும் கிடையாது, தியானம் ,காயத்ரி ஜபம், ஆசனம், பிரணாயாமம் ஆகியன செய்ய உத்தம நேரம்.

காலை 8:25 மணி முதல் 10:48 மணி வரை

தான தர்மம் செய்வதற்க்கு இந்த நேரம் உகந்தது. இந்த நேரத்தில் தானதர்மம் செய்யும்பொழுது உங்களுக்கு புண்ணியம் அதிகமாக வரும். இந்த நேரத்தில் நீங்கள் எப்படியாவது பிறர்க்கு தானம் செய்திடவேண்டும். இந்த நேரத்தில் தானம் செய்யும்பொழுது புண்ணியம் இருமடங்காக உயரும்.

காலை 10:49 மணி முதல் மதியம் 1:12 மணி வரை

இந்த நேரத்தில் கண்டிப்பாக ஒவ்வொரு மனிதனும் உழைக்க வேண்டிய நேரம் இது. உழைத்து அதில் இருந்து வரும் வருமானத்தில் சாப்பிடவேண்டும். முதியோர் கூட இந்த நேரத்தில் சின்ன வேலையாவது செய்ய வேண்டும். வேலை செய்யாமல் இருத்தல் கூடாது.

மதியம் 1:13 மணி முதல் மாலை 3:36 மணி வரை

இறந்துபோனவர்கள் மூதாதையர் பூமியில் உலவும் நேரம். இந்த நேரத்தில் பித்ருக்களுக்குத் திவசம் திதி தர்ப்பணம் முதலியவைகளைச் செய்தல் வேண்டும். இறந்துபோன ஆத்மாக்கள் உலவும் நேரம் என்பதால் அதிகப்பட்சமாக வெளியில் செல்லகூடாது என்பார்கள். அவசர உலகத்தில் யார் இது எல்லாம் பார்க்கிறார்கள். இந்த நேரத்தில் இறந்தவர்களை வீட்டில் இருந்து எடுக்ககூடாது. அப்படி எடுத்துச்சென்று எரித்தல் அல்லது புதைத்தல் செய்தால் அந்த வீட்டில் மீண்டும் மரணம் ஏற்படும்.

மாலை 3:37 மணி முதல் மாலை 6:00 மணி வரை

இந்த நேரத்தில் நீங்கள் ஆன்மீக விசயங்களை பற்றி சொற்பொழிவை கேட்கலாம். இந்த நேரத்தில்  ஞானத்தைப்பற்றி பேச்சை கேட்டால் உங்களுக்கு நல்ல ஆன்மீக அனுபவங்கள் ஏற்படும்.

மாலை 6:00 மணி முதல் இரவு 8:24 மணி வரை

இந்த நேரத்தில் எல்லாக் கோயில்களிலும் வழிபாடு நடக்கும். பிரம்மமுகூர்த்த நேரம் என்றும் இதனை சொல்லுவார்கள். தியானம் செய்ய இந்த நேரத்தை பயன்படுத்தலாம். உங்களின் வீட்டில் விளக்கேற்றி வழிபாடு செய்ய வேண்டும்.

இரவு 8:25 மணி முதல் 1:12 மணி வரை

வடநாட்டில் இந்த நேரத்தில் திருமணம் செய்வார்கள். மந்திரத்தை கற்றுக்கொள்ள உகந்த நேரம். கூடுவிட்டுக் கூடு பாய்தல் போன்ற வித்தைகளை செய்யகூடிய நேரம் இது.

இரவு 10:49 மணி முதல் 1:12 மணி வரை

சித்து விளையாட்டுக்களை கற்றுக்கொள்ள கூடிய நேரம் இது. மாந்தீரிக மந்திரங்கள் செய்யகூடிய நேரம் இது. தொலைவில் உள்ள பொருட்களை அருகில் வரச்செய்தல். விரும்புகிற போகங்களை இருக்கும் இடத்திற்கே வரவழைத்து அனுபவித்தல் ஆகிய சித்துகளை கற்றுக்கொள்ளவும் இந்த நேரத்தில் செய்யலாம். பகைவர்களை தன் வசப்படுத்துதல் வயது ஏறாமல் எப்பொழுதும் இளமையாக இருக்குமாறு செய்தல் போன்றவற்றிற்க்கு இந்த நேரம் உகந்தது.

நள்ளிரவு 1:13 மணி முதல் 3:36 மணி வரை

மனிதன் பலவீனமாக இருக்கின்ற நேரம் இது. துர்சக்திகள் அதிகமாக நடமாட்டம் உள்ள நேரம் இது. இந்த நேரத்தில் நாய்கள் குழைத்தால் அது துர்சக்திகள் வருகின்றன என்று அர்த்தம்.

114 வயது மகானிடம் ஆசி - ஒரு ஆன்மிக அனுபவம்!

வாழ்க்கை விசித்திரமானது, சுவாரஸ்யமானது, ஆனந்தமானது, துன்பமானது…. இப்படி சொல்லிக்கொண்டே போகலாம். ஒவ்வொரு நிகழ்வும் ஒவ்வொரு விதம். திட்டமிட்ட நிகழ்வுகள் சில நேரங்களில் நடக்காமல் போகலாம். எதேச்சையாக சில ஆச்சரிய நிகழ்வுகள் நடைபெறலாம். வாழ்வின் சூட்சுமமே அதுதான். இது இப்படித்தான் இருக்கும் என்று எவரும் எதையும் அறுதியிட்டு கூறிவிட முடியாது. அது தான் வாழ்க்கையின் ரகசியம். 

சிவஸ்ரீ எத்திராஜூலு சுவாமிகள்

    அப்படி ஒரு எதேச்சையான ஒரு சந்திப்பு கடந்த ஞாயிற்றுக்கிழமை எனது வாழ்வில் நிகழ்ந்தது. அது ஒரு அற்புதமான நேரம். அந்த நிமிடங்கள் மெய்யானது. நான் குடும்பத்துடன் ஒவ்வொரு ஞாயிறும் ஏதாவது கோவில், குளம் என சுற்றுவது வாடிக்கை. அப்படி கடந்த வாரம் சென்னை மாங்காடு அருகே உள்ள ஸ்ரீசர்ப சித்தர் ஜீவ சமாதிக்கு சென்றிருந்தோம். நாங்கள் சென்றிருந்த போதுதான் எதிர்பார்க்காத அந்த சந்திப்பு நிகழ்ந்தது. ஆம். நூற்றிப் பதினான்கு வயது பழுத்த சிவப்பழமான  சித்தரடிகளான மகான் சிவஸ்ரீ எத்திராஜூலு சுவாமிகள் அங்கு வந்தார். சர்ப சித்தரை வணங்கி வழிபட்டார். இந்த 114 வயதிலும் சுறுசுறுப்பும், பேச்சும், பார்வைக் கூர்மையும் என்னை வியப்பில் ஆழ்த்தியது. மேனியெல்லாம் திருநீறு அணிந்து முன் நெற்றிக்கு மேலே உச்சியில் சிறு குடும்பி வைத்து, ஒற்றை ஆடை அணிந்து, எலும்பில் போர்த்திய தோல் போன்ற மிக மெலிந்த தேகத்துடன், வெறுங்கால்களில் நடந்து வந்தார். கண்களிலும், முகத்திலும் ஆன்ம ஒளி குடிகொண்டிருந்ததை நேரில் தரிசித்தவர்கள் உணருவார்கள். அந்த மகானிடம் குடும்பத்துடன் ஆசி பெற்றோம். தலைமீது கை வைத்து ஆசி வழங்கினார். அந்த நிமிடங்கள் தன்னை மறந்து, எண்ணங்களற்று, வெறுமையாய் உணர முடிந்தது. அந்த உணர்வு நீண்ட நேரம் மனதில் தங்கியிருந்தது. அது ஒரு அற்புத அனுபவம். ஆனால் அவருடனான சந்திப்பை பதிவு செய்ய ஒரு புகைப்படம் எடுக்கக் கூட தோன்ற வில்லை. இத்தனைக்கும் கையில் விடியோ கேமரா, செல்போன் எல்லாம் இருந்தது. அவர் சென்ற பிறகுதான் புகைப்படம் எடுத்திருக்கலாமோ என்று தோன்றியது. (அவர் கொடுத்த அழைப்பிதழில் இருந்த அவரது படத்தை இங்கே பதிவு செய்துள்ளேன்)

      இவரைப்பற்றி ஏற்கனவே நான் கேள்விப்பட்டிருந்தாலும், அவரை சந்தித்து ஆசி பெற வேண்டும் என்று நினைத்திருந்தேன். அவர் தங்கியிருப்பது தக்கோலத்தில். பூந்தமல்லிக்கு அவர் வந்திருந்த போது அவரை சந்தித்து தரிசிக்க நினைத்தேன். ஆனால் அன்றைய சூழ்நிலை காரணமாக போக முடியவில்லை. ஆனால் இவ்வளவு சீக்கிரம் அவரைச் சந்தித்து ஆசி பெறுவேன் என்று நினைக்கவேயில்லை. எல்லாம் சிவ சித்தம்.

கோமளநாயகி உடனுறை அகத்தீஸ்வரர் ஆலயம்

 சித்த வைத்தியத்திலும் அவர் தேர்ந்தவர் என்று கேள்விப்பட்டிருக்கிறேன். சிவ நெறியில் அவர் கொண்டுள்ள அதீத ஈடுபாட்டின் காரணமாக வேலூர் மாவட்டம் அரக்கோணம் அருகே திருவூறல் என்று அழைக்கப்படுகின்ற தக்கோலத்தில் குசஸ்தலை ஆற்றின் வட பகுதியில் மத்திய தொழில் பாதுகாப்பு பயிற்சி மையம் அருகில் அருள்மிகு கோமளநாயகி உடனுறை அகத்தீஸ்வரர் ஆலயத்தை  எத்திராஜூலு சுவாமிகள் அமைத்துள்ளார். பௌர்ணமி தோறும் இந்த ஆலயத்தில் அன்னதானம் நடைபெற்று வருகிறது. தற்போது அந்த ஆலயத்திற்கு ராஜகோபுரம் திருப்பணி நடைபெற்று வருகிறது.  எவ்வித தங்கு தடையுமின்றி அந்த திருப்பணி சிறப்பாக நடைபெற, மாங்காடு சர்ப சித்தர் ஜீவ பீடத்தில் வழிபாடு செய்ய வந்திருப்பதாக அறிந்தேன். அந்த ஆலயத் திருப்பணிக்கு எங்களால் இயன்ற ஒத்துழைப்பும், உதவியும் செய்வதாக முடிவு செய்துள்ளோம். எனது வாழ்வில் 114 வயதுடைய ஒரு மகானை சந்தித்து ஆசி பெறுவது இதுதான் முதல் முறை. குருவருளும், திருவருளும் இதை சாத்தியமாக்கியுள்ளது என்றே நினைக்கிறேன்.

ஒரு கண் மட்டும் வைத்து பார்க்கும் சிறிய வாசல் கொண்ட சிவன் கோயில்!!!

 விழுப்புரம் அருகே உள்ள ஒரு கோடி கிராமத்தில் ஒரு கண் மட்டும் வைத்து பார்க்கும் அளவுக்கு உலகிலேயே மிகச் சிறிய வாசல் கொண்ட சிவன் கோயில் உள்ளது.

விழுப்புரம்-திருக்கோவிலூர் சாலையில் தோகைப்பாடியில் இருந்து பிரிந்து 5 கி.மீ. சென்றால் வரும் ஒரு அழகிய கிராமம் ஒரு கோடி. இங்கு மொத்தம் 230 வீடுகள் மட்டுமே உள்ளன. ஆயிரத்துக்கும் குறைவான மக்களை கொண்டது இக் கிராமம். நெல் விவசாயம் பிரதானத் தொழிலாக உள்ளது.

இங்குள்ள பழமை வாய்ந்த சிவாலயத்துக்கு ஒரு கோடி சித்தர்கள்வரை வந்து வழிபட்டு, தவம் செய்துச் சென்றுள்ளனராம். அதனால்தான் இக் கிராமம் "ஒரு கோடி' என்று அழைக்கப்படுவதாக அதன் ஊராட்சித் தலைவர் அய்யனார் கூறினார்.

தற்போது அந்த சிவாலயம் சிதிலமடைந்த நிலையில் காணப்படுகிறது. இந்த சிவாலயத்தில் பழைமை வாய்ந்த சிற்பங்கள் உள்ளன. கோயிலுக்கு முன்புறம் எல்லைபிடாரி அம்மன் சிலை உள்ளது. கோடிவிநாயகர் என்று அழைக்கப்படும் விநாயகர், குருபகவான், கொற்றவை ஆகிய சிலைகளும் உள்ளன.

இங்குள்ள பல சிலைகள் புதைந்த நிலையில் கண்டெடுக்கப்பட்டு பின்பு கோயில் அருகே நிறுவப்பட்டுள்ளதாகவும் கோயிலின் உள்ளே பல்வேறு அரிய வகை ஓலைச் சுவடிகள் இருந்ததாகவும், நாளடைவில் அவை காணாமல் போயும், பலரால் எடுத்துச் செல்லப்பட்டுவிட்டன என்றும் இக் கிராம மக்கள் கூறுகின்றனர்.

இக் கோயில் மூலவர் ஸ்ரீமுக்தாம்பிகை உடனுறை அபிராமேஸ்வரர். ஆனால் இக் கோயில் மூலவரை "ஸ்ரீ ஓலை படித்த நாயகி உடனுறை கோடி கொடுத்த நாதர்' என்ற பெயரிலும் அழைக்கின்றனர். இதனால் இங்கு ஓலைச் சுவடிகள் இருந்தது என்ற மக்களின் கூற்று உண்மையாக இருக்கலாம் என்ற கருத்தும் நிலவுகிறது.

கோயிலில் நுழைவதற்கு பக்கவாட்டில் வாயில் இருந்தாலும் மூலவருக்கு நேரே ஒரு கண் மட்டும் வைத்து பார்க்கக் கூடிய மிகச்சிறிய வாசல் உள்ளது. இதுதான் கோயில் வாசல் என்றும் உலகிலேயே மிகச் சிறிய வாசல் உள்ள கோயில் இது என்றும் மக்கள் கூறுகின்றனர்.

இதுகுறித்து கல்வெட்டு ஆய்வாளர் வீரராகவனிடம் கேட்டபோது, இக் கோயிலில் உள்ள சிலைகள் 9-ம் நூற்றாண்டைச் சேர்ந்தவை. ஆனால் இக் கோயில் 15-ம் நூற்றாண்டில் கட்டப்பட்டுள்ளது. இக் கோயிலில் கொற்றவை, பேச்சியம்மன், மூத்ததேவி ஆகிய சிலைகள் சிற்பங்கள் போல் உள்ளன.

இக் கிராமத்துக்கு ஒரு கோடி என்று பெயர் வந்ததற்கான காரணம் சரியாகத் தெரியவில்லை. ஒரு கோடி என்ற எண் அந்த காலத்தில் பயன்பாட்டில் இல்லை. அதனால் எண்ணிக்கையை வைத்து இந்த பெயர் ஏற்பட்டிருக்க வாய்ப்பில்லை என்றார்.

தங்கத்தேருடன், புதையல்!

சிவாலயம் அருகில் கிணறு உள்ளது. இந்த கிணற்றின் உள்ளே தங்கத் தேருடன் கூடிய புதையல் இருந்ததாகவும், கல்களை கிணற்றுக்குள் வீசினால் உலோகத்தின் மேல் விழுவதுபோல் வினோத சத்தம் வந்ததாகவும், தற்போது எந்த சத்தமும் அந்த கிணற்றில் வரவில்லை என்றும் பொதுமக்கள் கூறுகின்றனர். புதையல் எடுக்கப்பட்டுவிட்டதா, அல்லது மண் மேவிவிட்டதா என்று தெரியவில்லை என்கின்றனர் கிராம மக்கள்.

2 நாள் நவகிரக சுற்றுலா - YOGESH TOURISM

அறிவிப்பு
சென்னையில் உள்ளவர்களுக்கு மட்டும்
சென்னை புறநகர பகுதிகளான பூவிருந்தவல்லி, காட்டுபாக்கம், ஐயப்பன்தாங்கல், மாங்காடு, குன்றத்தூர், அனகாபுத்தூர் பகுதி மக்களுக்கு ஓர் நற்செய்தி நான் புதிதாக ஆரபித்துள்ள யோகேஷ் சுற்றுலா நன்றாக வளர என்னை ஆசிர்வதிக்குமாறு கேட்டுக்கொள்கிறேன். இந்த நவகிரக சுற்றுலாவில் எல்லா மக்களுக்கும் கலந்து கொண்டு இறையருள் பெற வேண்டுகிறேன்.